Í ævintýrinu Sagan um rófuna segir frá tveimur bræðrum, einum ríkum og öðrum fátækum. Sá fátæki hafði gerst bóndi og tekist að rækta risastóra rófu sem hann færði konungi og fékk að launum mikil auðævi, land og peninga. Ríki bróðirinn varð mjög öfundsjúkur og hyggst ráða bróður sinn af dögum en óvæntir atburðir koma í veg fyrir þann ráðahag. Ævintýri Grimmsbræðra eru löngu orðin þekkt um allan heim enda verið þýdd á fleiri hundruð tungumál. Þjóðsögur Grimmsbræðra hafa tekið töluverðum breytingum í aldanna rás án þess þó að missa upprunalegan boðskap sinn og í dag ganga þjóðsögur Jacobs og Wilhelms einfaldlega undir nafninu Ævintýri Grimmsbræðra.