Ævintýrið Tófan og úlfurinn fjallar um sérkennilega vináttu úlfsins og tófunnar. Úlfurinn vildi ráða yfir tófunni sem þurfti að beita brögðum til að fá sínu framgengt. Einu sinni sem oftar vildi úlfurinn að tófan fyndi eitthvað handa honum að éta enda gráðugur mjög. Tófan reyndi hvað hún gat að benda úlfinum á að fara varlega í átinu en úlfurinn lét sér ekki segjast. Þegar úlfurinn kemst á snoðir um saltað kjöt í tunnu hjá bóndanum biður hann tófuna um að fylgja sér þangað. Tófan fylgir úlfinum að kræsingunum en hefur ekki í hyggju að éta sig pakksadda með úlfinum. Ævintýri Grimmsbræðra eru löngu orðin þekkt um allan heim enda verið þýdd á fleiri hundruð tungumál. Þjóðsögur Grimmsbræðra hafa tekið töluverðum breytingum í aldanna rás án þess þó að missa upprunalegan boðskap sinn og í dag ganga þjóðsögur Jacobs og Wilhelms einfaldlega undir nafninu Ævintýri Grimmsbræðra.