Mæðgnamorð og önnur mál...

"Samantekt fjögurra frásagnarverðra sakamála sem áttu sér stað á Norðurlöndunum í lok 20. aldar"
Árið 2001 telja fjórir finnskir unglingspiltar sig hafa framið hinn fullkomna glæp. Aðeins 98 tímum síðar eru þeir handteknir fyrir gróft morð.
Í nágrannalandinu Noregi, beinast allra augu að þriggja ára stúlku sem talin er hafa dottið út um glugga og látist í kjölfarið. Það sem undarlegt þykir er að lögreglunni er ekki tilkynnt um málið.
Á köldum vetrardegi í febrúar, fær lögreglan í Kolding einkennilegt símtal. Eigandi sumarbústaðar á eyjunni Fanø í Danmörku telur sig hafa séð grilla í barnsfót í brekku skammt frá eign sinni. Tilgáta hans reyndist rétt.
Nokkrum árum síðar er fjölmörgum skotum hleypt af á torginu framan við járnbrautarstöðina í Slagelse. Forboðin ást hefur leitt til heiðursdráps á 18 ára gamalli stúlku um hábjartan dag.

Í bókunum "Norræn sakamál" segja íslenskir lögreglumenn frá merkilegum málum sem þeir hafa unnið að, gera grein fyrir atburðarrás glæpanna, rannsókn þeirra og gefa raunsanna lýsingu á glæpamönnunum og ást- æðunum sem liggja að baki voðaverka, bæði með sögum frá hinum Norðurlöndunum og raunsönnun íslenskum sakamálum.
Höfundar frásagnanna í samantekt þessari eru: Kaj Nilsen, Jaakko Ridanpää, Trond Arne Ryeng og Arne Ellegaard.