Víkingasveitin

Æsispennandi saga sem er byggð á sönnum atburðum.
Árið er 1978 og mikil ólga ríkir í Íran. Eftir röð afdrifaríkra atburða í höfuðborg landsins er ljóst að óvild í garð Bandaríkjanna fer vaxandi.
Í umróti byltingar eru tveir bandarískir viðskiptamenn ranglega fangelsaðir. Þegar Ross Perot, stjórnarformaður EDS, fær fréttirnar, leggur hann drög að djarfri áætlun til leysa þá úr haldi.
Í framhaldinu leggur hópur manna upp í áhættusaman leiðangur sem krefst bæði hugrekkis og djörfungar eigi þeir að komast lífs af.
Árið 1986 var gerð sjónvarpsþáttaröð eftir bókinni sem ber sama heiti. Þar fara Burt Lancaster, Richard Crenna og Paul Le Mat með aðalhlutverkin.

Ken Follett er breskur metsöluhöfundur. Af þeim 37 titlum sem hann hefur ritað hafa selst yfir 195 milljón eintök á 40 tungumálum í fleiri en 80 löndum. Hann fæddist í Cardiff í Wales árið 1949 og lærði heimspeki á sínum yngri árum áður en hann fór að starfa sem blaðamaður. Árið 1978 skaust hann upp á stjörnuhimininn með bók sinni Nálarauga (Eye of the Needle). Hann hefur ritað mikið af sögulegum skáldsögum, en ein sú vinsælasta er bókin Pillars of the Earth, sem var gerð að sjónvarpsþáttaröð árið 2010. Ken dáir tónlist næstum jafn mikið og bækur og spilar gjarnan á bassagítar. Hann býr í Herefordshire í Englandi með konu sinni Barböru, en þau eiga saman fimm börn, sex barnabörn og þrjá labradora. Hann er virkur í ýmiss konar góðgerðastarfsemi og var formaður Dyslexia Action í áratug.