CICËRIMA DASHURIE MBI FUSHËN ME LULËKUQE

Ky libër lindi nga një ndjesi e thellë dashurie – për natyrën, për jetën dhe për ato çaste të qeta ku gjithçka ndalet dhe mbetet vetëm frymëmarrja përballë bukurisë. Në një botë që shpesh nxiton, unë gjeta qetësinë te ngjyrat, lulet, fluturimet dhe drita. Kjo është arsyeja pse vendosa të përqafoj artin dhe ta kthej në një gjuhë të heshtur ndjenjash që flet pa zë, por me shpirt.
Çdo pjesë e pikturës që krijova dhe çdo fjalë që shkrova janë rrjedhë e një emocioni të vërtetë, të pastër. Nuk janë thjesht ngjyra apo fjalë – janë kujtime, janë shpresë, janë cicërima të brendshme që kërkojnë të dëgjohen. Përdora penelin si një zgjatim të zemrës dhe fjalët si një rrugë për t'u bashkuar me shpirtin e lexuesit.
"Cicërima Dashurie Mbi Fushën Me Lulëkuqe" nuk është vetëm një titull. Është një gjendje. Është një ftesë për të parë botën me butësi, për të ndaluar në mes të ditës dhe për të ndjerë ngrohtësinë e diellit mbi lëkurë, aromën e luleve në ajër dhe për të dëgjuar zogjtë që na kujtojnë se jeta është poezi.
Ju ftoj të udhëtoni me mua përmes ngjyrave dhe fjalëve, në një botë ku gjithçka është e thjeshtë, e vërtetë dhe e ndjerë.

The autor write the diffents books.